Little Black Dress-Փոքրիկ Սև Զգեստ

Coco Chanel-ի ստեղծած փոքրիկ սև զգեստը (1926 թ.)

Փոքրիկ սև զգեստը կոկտելային կամ երեկոյան զգեստի տարատեսակներից մեկն է: Սև գույնի, երկարությամբ մինչև ծնկները զգեստը կարելի է հագնել ոչ միայն օֆիսային տարածքներում, այլ նաև հանդիսավոր երեկույթների ժամանակ, նրան ավելացնելով որոշ աքսեսուարներ: Փոքրիկ սև զգեստը ստեղծել է Coco Chanel-ը 1926 թվականին ի հիշատակ իր հանգուցյալ սիրելիի:

Դերասանուհի Marilyn Monroe-ն փոքրիկ սև զգեստով

Մինչ այդ սևը ասոցացվում էր սգո հետ և հաջողություն չուներ, բայց փոքրիկ սև զգեստի ի հայտ գալուն պես այդ գույնը շատ սիրելի և հանրահայտ դարձավ: Շանելի ստեղծած զգեստը ծածկում էր կնոջ ծնկները, քանի որ նա դրանք համարում էր մարմնի ամենատգեղ մասը: Զգեստի առանձնահատկություններից էր նաև պարզ կիսակլոր կտրվածքը, երկար նեղ թևերը և այնպիսի ավելորդությունների բացակայությունը ինչպիսիք են եզրերը և կոճակները:

Դերասանուհի Audrey Hepburn-ը Givenchy-ի ստեղծած փոքրիկ սև զգեստով

Այս զգեստը իրենց կարող էին թույլ տալ բոլոր կանայք անկախ իրենց եկամուտներից: Ունենալով փոքրիկ սև զգեստ կարելի է աքսեսուարների միջոցով տարբեր կոմբինացիաներ ստեղծել և ամեն անգամ ինքնատիպ ներկայանալ: Զգեստի ժամանակակից տարբերակը էականորեն տարբերվում է դասականից: 

Մոդել Cara Delevingne-ը

Այն կարող է ավելի կարճ լինել, զանազան վարատնիկներ ունենալ, զարդարված լինել տարբեր ժապավեններով և այլ դեկորատիվ տարրերով: Փոքրիկ սև զգեստը իր տեղը ունի բազմաթիվ մոդելավորողների հավաքածուներում: Շատ հայտնի է Givenchy-ի ստեղծած փոքրիկ սև զգեստը, որը կրում է "Breakfast at Tiffany's" (1961) ֆիլմում հերոսուհուն մարմնավորող Audrey Hepburn-ը (նկարը տե՛ս վերևում) : 

Երգչուհի Taylor Swift-ը