Less is more...

Մինիմալիստական արվեստը սկզբնավորվել է 1960-ական թվականներին ԱՄՆ-ում: Այն առաջացել է այդ ժամանակաշրջանում զարգացող մոդեռն արվեստից, սակայն ենթարկվելով փոխակերպումների հակադրվել է մոդեռնին: Մինիմալիզմը իր մեջ ներառում է երկրաչափական պատկերներ, պարզ կառուցվածքներ, զերծ ամեն տեսակի սիմվոլներից և այլաբանությունից: 

Barnet Newman "Voice of fire" , 1967

Այս տերմինը առաջին անգամ հավանաբար օգտագործվել է քննադատ Ռիչարդ Վոլհայմի կողմից 1965-ին «Մինիմալիստական արվեստ» վերնագրով էսսեում: Այստեղ կարևորվում է ստեղծել մի կառուցվածք, որտեղ արտադրությունն ու միջոցը կարող են փոխազդել: Ըստ ամերիկացի քանդակագործ, կոնցեպտուալ արվեստագետ Ռոբերտ Մորիսի` մինիմալիզմի համար բեկումնային պահը կայանում է հանդիսատեսի և օբյեկտի միջև տարածական հարաբերություն ստեղծելու մեջ:

Մինիմալիզմը ընդգրկում է տարբեր ոլորտներ՝ ճարտարապետություն, դիզայն, քանդակագործություն, լուսանկարչություն, երաժշտություն, գրականություն, ինչպես նաև նորաձևություն:

Մինիմալիստական լուսանկար

Մինիմալիզմը նորաձևության մեջ ի հայտ է եկել 90-ական թվականներին: Մինիմալիստական ոճը ենթադրում է հագուստի մեջ ավելորդ դետալների, աքսեսուարների բացակայություն, առավել կարևոր են կտորի գունը, որակը, հագուստի ձևվածքը: Այստեղ բացառվում է օգտագործել ժանյակներ, ժապավեններ, փայլեր: 

Սկզբնական շրջանում մինիմալիստական հագուստի հիմնական գույներն էին սևը, սպիտակը, մոխրագույնը, սակայն ժամանակին համընթաց նորաձևությունը նոր միտումներ է ի հայտ բերում: Այժմ դիզայներները կիրառում են նաև պաստելային երկնագույնը, փիրուզագույնը, վարդագույնը և նմանատիպ այլ երանգներ:

Hugo Boss-ի աշուն-ձմեռ 2013/2014 հավաքածույից

Վերջում նշեմ, որ իմ կարծիքով մինիմալիստական ոճը սազում է յուրաքանչյուր տարիքի կնոջ կամ աղջկա: Այնպես որ, եթե ցանկանաք ներկայանալ մինիմալիզմի մեջ համոզված եղեք, որ շատ նուրբ և յուրահատուկ տեսք կունենաք: Սա մի փոքր ակնարկ մինիմալիզմի մասին, այժմ ներկայացնում եմ այս ոճում արված իմ լուսանկարները, հուսով եմ կհավանեք:

Լուսանկարները՝ Արեգ Ամիրխանյանի

Շնորհակալություն, որ կարդում եք: